Îranî bi fuzeyan rafînerîya Aramco ya Erebistanê Siûdî hedef girewt. Hêrişê vera Aramcoyî mojneno ke cepheyê şerî hîra bênê.
Merkezê enerjî yê Ras Tanura binê adirî de yo. Goreyê dîmenanê ke medya dijîtale ser o ameyê parekerdene, rejîmê Îranî rasterast tesîsê Aramcoyî yê herêma Tas Tanurayî kerd hedef. Rafînerîya Ras Tanura merkezanê tewr muhîman ê îhracatê petrolî ra yew o.
Yeno zaneyene ke no tesîs rojane nêzdîyê 550.000 varîl petrol beradiş keno. Sewbîna zî şîrketê dewlete Aramco, bingeyê sereke yê ekonomîya Erebistanê Siûdî yo. Hêrişê vera nê şîrketî, seba vayîya petrolî rîskêko gird virazeno. No problem sey îşaretê vilabîyayîşê şerî yê pêroyî Rojhelatê Mîyanênî yeno erjnayene.
