Trumpî derheqê hêrişê Îranî yo ke Neqebê Hurmuzî de vera keştîyê şerî yê Amerîka ameyê kerdene de eşkerayîyêk dê. Trumpî vat ke eke nêzdî de yew anlaşma nêyêro îmzekerdene, ê do bi şîdet cewab bidê.
Trumpî eşkerayîye de wina vat: “Vera destroyerê (keştiyê şerî) ma fuzeyî ameyî teqnayene, labelê bi rehetî ameyî vindarnayene. Reyna wesayîtê hewayî yê bêmerdim (ÎHA) ameyî û ê zî hewa de ameyî îmha kerdene. Çi tewir ke ma ewro ê bêtesîr kerdî, eke pêamayiş nêro îmzakerdene, ma do ameyox de hîna hişk û hîna bi şîdet ê bidê piro û ma no derheq de leza bikê.”
Trumpî eşkerayîya de hêtê ra nê tehdîdê xo kerdî, heto bîn ra zî behsê domkerdena adirbirnayişî kerd.
