Şerê mabênê Amerîka-Îsraîl û Îranî her ke şono hîrayêr beno. Goreyê agahîyan, rejîmê Îranî bi dron û fuzeyan hêrişê kampêkê Partîya Demokrate yê Herêma Federe ya Kurdîstanî kerd.
Goreyê agahîyanê xebera ajansê RojNews’î rejîmê Îranî bi 2 dron û fuzeyan hêrişê kampê qezaya Koye yê Hewlêrî kerd. Rejîmê Îranî vizêr zî hêrişê kamp û qerargehanê partîyanê kurd ê başûrê Kurdîstanî û Rojhilatê Kurdîstanî kerdbi. Sewbîna rejîmê Îranî bi fuze û dronan hêrişê xeylê cayanê Herêma Federe ya Kurdîstanî zî kerd. Wina aseno ke do nê hêrişî dewam bikerê.
Goreyê agahîyan rîyê nê hêrişan ra kesêk birîndar bîyo û derheqê zerarê madî de tu agahî nêameyê girewtene.
