Rejîmê Îranî 18 serrî cezayê hepsî 3 cinîyanê ke tewrê çalakîyan bîyê ameya dayena.
Keyepelê Vengê Girewteyanê Kurd û Îranî xebera xo de eşkera kerd ke hetê Mehkema Şorişî yê Tehranî ra seba ke tewrê çalakîyanê peyînan yê Îranî bîyê, cezaya hepsî 2 wayan, Tara Dawudî û Kîmya Dawudî rê birna.
Ame eşkerakerdene ke Kîmya Dawudî rê 10 serrî û Tara Dawudî rê zî 6 serrî cezaya hepsî ameya dayîş û her di wayî beşê cinîyan ê Hepîsxaneya Evînî de yenê girewtiş. Xebere de ame dîyarkerdene ke her di wayî peynîya aşma çile ya 2026 de hetê hêzanê Supayê Pasdaran ra ameyê destbendkerdene û îşkencekerdene.
Sewbîna xebere de yena vatene ke hetê şube 21ê ya Mehkemaya Tehranî ra bi tometê ‘kombîyayîş û rijnayîşê ewleyîya neteweyî’ 2 serrî cazaya hepsî da aktîvîsta sivîle ya Sîma Mezleqanî.
