Serekê Pêroyî yê MHP’yî Devlet Bahçelîyî îfade kerd ke hêrişanê vera Îranî de cografyaya înan mîyanê krîz û kaosî de ya û vat: “Ê yê ke vera prosesî vejîyenê, do başêr fehm bikerê ke ma wazenê çi bikerê. Kesê ke her hetî ra hêrişê vengdayîşê 27ê sibate yê ronayoxê PKK’yî kenê û kesê ke fikrê înan dîyar nîyo, şima nê vengdayîşî fam kerd yan ney?”
Serekê Pêroyî yê MHP’yî Devlet Bahçelî kombîyayîşê grûba partîya xo yê Meclisî de qisey kerd. Devlet Bahçelîyî destpêkê qiseykerdişê xo de derheqê hêrişanê Îsraîl û Amerîka yê vera Îranî ser o îfade kerd ke cografyaya înan mîyanê krîz û kaosî de yo û vat ke nê hêrişî ne meşru ne zî exlaqî yê. Devlet Bahçelîyî dîyar kerd ke mîyanê krîzan de muhîmîya xurtkerdişê cepheyê zereyî û yewîye ameya fehmkerdene û vat: “Yê ke vera prosesê vindenê ke Tirkîya de ameyo destpêkerdene, înan başêr fehm kerd ma wazenê se bikerê yan ney? Bi hewayêko lêmin vengdayîşê ma yê zerrî ra seba wayûbirayîya kurd û tirkan serûbin kenê.”
Devlet Bahçelî hemverê kesanê ke hêrişê vengdayîşê 27ê sibate yê Rayberê Şarê Kurdî Abdullah Ocalan kenê, reaksîyon mojna û wina vat: ”Kesê ke her hetî ra hêrişê nê vengdayîşî kenê û bêkarakter ê, mîyanê nê krîzî ra gelo şima netîceyêk vejenê? Qaşo netewperest têgêrenê.”
