Heyva Sor a Îranî eşkera kerd ke destpêkê hêrişanê Amerîka û Îsraîlî ra nat kiştişê merdiman bi hewayêko giran zêde beno. Goreyê daneyanê sazgehî heta nika tewr tay 787 kesî cuya xo ra bîyê.
Heyva Sor a Îranî derheqê vîndîbîyayîşê merdiman ê ke netîceyê şerê Îsraîlî û Îranî de qewimîyayê, eşkerayî daye. Sazgehê eşkerayîya xo de da zanayene ke çarçewaya operasyonan de 153 qeza ameyê hedefgirewtene, 504 nuqta ameyê bombabaran kerdene û bi pêroyî 1039 (hezar û hîris û new) hêrişî herêmanê cîya yê welatî de qewimîyayê. Çimeyanê herêmî eşkera kerd ke êdî tena cayê leşkerî ney, tesîsê îdarî û endustrî zî hedef yenê girewtene.
