Serekkomarê Fransa Emmanuel Macronî dîyar kerd ke înan soz dayo kurdan û ê girêdayeyê sozê xo yê. Macronî vat ke do nê sozê xo bîyarê ca.
Serekkomarê Fransa Emmanuel Macron bi nameyê, “Vengdayîşo Neteweyî” averşîyayîşanê peyênan ser o eşkerayîyêk daye. Macronî qiseykerdişê xo de averşîyayîşê Rojhelatê Mîyanênî ardê vîr û bale ant cehdanê Îranî yê şer ke herême de vila keno.
‘Ma soz dayo kurdan’
Macron çarçewaya averşîyayîşanê Rojhelatê Mîyanênî de behsê şarê kurd û têgêrayîşanê sîyasî yê kurdan zî kerd. Macronî îfade kerd ke înan soz dayo kurdan û ê sey dewlete girêdayeyê sozê xo yê.
Pênaseyê ‘Mitefîkê me yê kurdî’
Macronî hêrişê Îranî yê vera dewletanê herême zî rexne kerdê û dîyar kerd ke do hemverê ney mitefikanê xo yê herême bipawê. Macron bi vatişê, “Ma soz dayo mitefikanê xo yê kurd” bale ant pozîsyonê kurdan ê Rojhelatê Mîyanênî ser o. Macronî proseso ke hêrişanê Îsraîl û Amerîka dest pêkerdo erjna û wina vat: “Ma soz dayo mitefikanê xo yê kurd. Ma girêdayeyê nê sozî yê û ma do nê sozê xo bîyarê ca.”
