Roniştişê dewa yê Halîse Aksoye, seba hadrekerdişê mutalaya ame taloqkerdiş.
Halîse Aksoye ra esteyanê domanê a zereyê kutîyêkî bi kargoyî ameybî teslîmkerdiş û dima zî vatişê îtîrafkar Umît Akbiyikî, bi îdiaya “endambîyayişê rêxistinî” 28ê Nîsana 2023î de ame hepskerdiş. Roniştişê dewaya 10ine yê Halîse Aksoye Mahkemeya Ceza ya Girane ya 10ine ya Amedî ame viraştiş û roniştişî ra Aksoy beşdar nêbî, avûkatanê Halîse Aksoye, Zeynep Karayilan û Necat Çîçek beşdar bîyê.
Roniştiş de wayîrê meqamê îdiaye seba hadrekerdişê mutalaye dem waşt û heyetê mahkeme zî waştişî qebûl kerd û roniştişê dewaye zî taloqê 7ê sibate kerd.
