Şerê mabênê Îsraîl-DYA û Îranî her şono beno giran, rejîmê Îranî vera înan nêeşkeno çîyê bikero hêrişê kurdan keno û kurdan hedef gêno. Serekkomarê Îranî Peseşkîyanî vat: “Kam ke seba dewlete tehluke bî vera dewlete tekoşin kerd, mudaxale bikerê” fermanê qirkerdene da.
Şerê Amerîka-Îsraîl û Îranî roja 7. de kur dewam keno. Wezîrê Pawitene yê Amerîka û Fermandarê Pêroyî yê Îsraîlî diyar kerd ke hêzanê înan şerê dengiz û asmênî derbeyê giranî dayê Îranî ra. Eşkerayîyan de ame vatene ke sere de Tehran û zaf şaristanê bîni bêmabên yenê îmhakerdene.
Serekkomarê Îranî Mesud Pezeşkîyanî serê hesabê xo yê medya dîjîtale de yew mesaj vila kerd û venga walîyanê şaristananê Rojhelatê Kurdîstanî kerd. Pezeşkîyan ferman da înan ke walî û hêzê rejîmî vera Kurdan bikewê mîyanê têgêrayîşî. Pezeşkîyan vatena xo ya verêne de vat, “Şarê Kurdî yo qehremanî her tim hetê dewlete da ca girewto.” nêtê xo wedard û dima ra zî fermanê qirkerdişî wina da: “Walî û hêzê eskerî vera derûdoranê cîyakaran biqerardar hêriş bikêrê û bikişê.”
No sîyasetê kiştene û qirkerdene verêna sîyasetê rejîmê Îranî yo resmî yo. Qaşo Pezeşkîyan nê sîyasetî ra durî amêne zanitene û reformîst amêyêne naskerdene hema şer ke bî giran ey zî didanê xo qirika xo ra vetî û girra serê Kurdan.
