Netîceyê munaqeşeyanê dergûdila de ewro grûba yewin a koçberanê Efrînî do agêra warê xo. Mîyanê roje de koçberî do eşkerayîyêk bidê û bikewê rayîr.
Çarçewayê Peymana 29ê çele de agêrayîşê koçberanê Efrînî ser o xeylê munaqeşeyî ameyê kerdene. Netîceyê munaqeşeyan de ewro do grûba yewine bikewa rayîr. Seba agêrayîşê grûba yewine heme hetkarî ameyê kerdene. Ewro 400 keyeyî do sey grûba yewine bikewê rayîr. La verê ke vejîyê rayîr keyeyî do Fetiloka Panaroma ya Hesekê eşkerayî bidê çapamenî.
Eşkerayîya de ke do Panaromayê Hesekê de bêra dayene, yeno pawitene ke hetê keye û rayedaran ra detayê nê prosesî berê eşkerakerdene. Badê eşkerayîya keyeyan do keyeyî ver bi Efrîn bikewê rayîr. Na game do sey destpêkê agêrayîşê koçberanê Efrîn, Şehba, Serêkanî û Girê Sipî bêra eştene.
