Keyeyê netîceyê dagirkerîya Tirkîya de neçar mendî ke warê xo terk bikerê, badê 7 serran agêrayê serê herra xo. Zêdeyê 3 hezar kesî Hesekê ra resayê Efrîn. Cagirê Fermandarê Hêzanê Asayîşê Zereyî yê Hesekê Mehmûd Xelîl dîyar kerd ke heta verê Newroze do 40 hezar kesî agêrê serê herra xo.
Çarçewayê bi caardişê Peymana 29ê Çele de agêrayîşê keyeyan ê Efrînî dest pêkerd. Netîceyê pêvînayîşanê mabenê Rayberîya Xosere û Hukmatê Şamî û komîsyonê seba agêrayîşê koçberan amebî awankerdene de seba destpêkî 400 keyeyî ameyê tespît kerdene. Vernîyê şîyayîşê keyeyan sibate de Cagirê Fermandarê Hêzanê Asayîşî Zereyî ê Hesekê Mehmûd Xelîl bi heyetêke şî Efrîn û amadekarî ca de şopnabî. Badê pêvînayîşan qerar ame dayene ke ewro yanî 9ê Adare gruba yewine ê Efrînijan kewte rayîr.
Hesekê de kom bîyê
Keyeyê ke ameyê tespît kerdene ewro saetanê sibayî de şaristanê Rojavayê Kuradîstanî ra ver bi Hesekê kewtê rayîr. Grûbê ke şaristananê cîya ra amebî fetiloka Panaroma ya Hesekê resayê yewbinî, verî cû amedekarîya ke muhîme kerde bî. Têhet ameyîşê şarî Efrînî dîmenê ge hîsdarî ge zî bi çoşî cuya yê.
Zêdeyê 3 hezar kesî kewtê rayîr
Zêdeyê 3 hezar kesî Hesekê de resayê yewbînî, dima ra bi otobusê ke verî hedre kerdbî kewtî ci. Sewbîna zî bi seyan welatî eşyayê ke înan bîbî û wesayîtê taybetî konvoyî reyde agêrayê serê herra Efrînî. Karwanê Efrînîjan bi seyan erebeyan û otobusê taybetî yê Meclisê Koçberanê Efrîn-Şehba û pawitena sivîl ê Sûrîya kewtê rayîr.
Hêzên Ewlehiya Rojava dê ewlehiyê bigire
Humarêk Hezanê Asayîşê Zereyî yê Hesekê, Cagirê Fermandarê Hêzanê Asayîşê Zereyî ê Hesekê Mehmûd Xelîl û Fermandarê Hêzanê Asayîşî Nesrîn Abdullah û humerêke berpirsê Hukmatê Demkî yê seba agêrayîşê koçberan ameyê wezîfedarkerdene zî karwanê Efrînîjan reyde bî.
Verê Newroze do heme Efrînî agêrê
Cagirê Fermandarê Hêzanê Zereyî ê Hesekê Mehmûd Xelîl ke grûbe reyde kewt rayîr, agahî da çapemenî. Xelîl dîyar kerd ke xebate seba akerdişê korîdorêke bi ewle ver bi Efrînî ramîyanê 3 rojan de yeno kerdene û hewldanê agêrayîşî heme koçberan verê Newroze dewam kenê.
Zêdeyê 40 hezar kesî do agêrê
Mehmûd Xelîl dîyar kerd ke ewro 3 hezar koçberî agêrênê û na agahî da: “Pêroyî heta nika zêdeyê 8 hezar keyeyî estê. Humara nê kesan reseno 40 hezar kesî. Seba agêrayîşê merkezê Efrînî zî amadekarî dewam kenê. Amancê ma no yo ke verê Newroze pêro pîya Efrînî agêrê serê herra xo.”
Efrînî resayê serê herra xo
Badê ke karwan Hesekê ra vejîya, serê raya Reqa, Tebqa û Heleb ra derbasê mîyanê herra Efrînî bî. Pêroyî raywanî de Hêzanê Asayîşê Rojavayê Kurdîstanî ewleyîya kawanî girewte. Beşekê hêzê ewleyî zî vernîya konvoyî de kontrolê rayîrî kerde.
Do şorê Şîye, Cindirês û mabatayê
Keyeyê ke resayê sînorî Efrînî do tîya ra şorê qezayê Şîye, Cindêris û Mabataye yê Efrînî. Heta Keyeyê bi hewayêk ewle ca bibê do hetkarîya muhîme bêro kerdene û ewleyîya înan bêro girewtene.
