Seba dîyarkerdişê temsîlkaranê Hesekê û Kobanî (Rojava) yê Parlementoyê Sûrîye komîsyonê weçînayîşê ameyê wezîfedarkerdene.
Madeyê peymana 29ê Çeleyî ra yew zî ke mabenê HSD û Hukmatê Demkî, temsîlkerdişê Hesekê û Kobanî yê Parlementoyê Sûrîye (Meclîsê Şarî) de bi.
Na çarçewa de vere cû Hesekê, Kobanî û Şamî de tayê pêvînayîşê ameyê kerdene. Hûmarê parlamenteranê ke herême temsil bikerê sey 10 kesî ameyê dîyarkerdene.
Badê pêvînayîşê peyênî Hesekê, Qamişlo, Dêrik û Kobanî de komîsyonê weçînayîşê ameyê awankerdene.
Ame eşkerakerdene ke komîsyonê wezîfedarkerdeyî do muracatan seba namzedîye qebul bikerê û badê muracatan mabenê namzedan de weçînitişan bikerê û temsîlkarê ke ameyê dîyarkerdene do Şamî de herême temsîl bikerê.
Temambîyayîşê demê muracatî û viraştişê weçînitişan ser o eşkerayîyêka fermî nêameya dayîş.
