Hunermend Kerîm Kaban ke sey hunermendê eşqîye ameynî naskerdiş, peynîya xo de zafêr berê ke hetanî nika ganî mendê, verê 9 serran şî ver dîlovanîya yezdan.
Ebdulkerîm Celal Mehmud Ezîz Kaban (Kerîm Kaban) serra 1927î de taxa Şêxanî ya Silêmanîye maya xo ra bî. Kaban perwerdeyê xo yê destpêkî medreseyî de girewt. Kaban 7 serrîya xo de Dibistana Seretayî ya Faysalî dest bi perwerdeyî kerd û seba bala ey ser muzîkî bî, emrêko şendik de vejîya ser sehneyî. Serra 1941î de radyoya Silêmanîye de deyîr vat.
Serra 1945î de bî edîtorê beşa kurdî ya radyoya Bexdaye. Konserê xo yê destpêkî zî eynî serre de Bexdaye de da. Kasetê xo yê destpêkî ke 8 eseran pê ameynî bi nameyê “Rêya Evîndaran” vet.
