Seferatxaneyê Dewletanê Yewbîyayeyan ê Amerîka (DYA) hişyarî daye welatijanê xo ke nêşêrê Îraq û Herêma Kurdîstanî û eşkera kerd ke grûbê girêdayeyê Îranî planê hêrişan kenê.
Sefaretxaneyê Amerîka yê Îraqî bi eşkerayîyêk welatijê xo hişyar kerdê ke Îraq û Herêma Kurdîstanî zîyaret nêkerê. Sefaretxaneyî dîyar kerd ke milîsê Îraqî yê ke girêdayeyê Îranî, pêroyê Îraq û Herêma Kurdîstanî seba hêrişê vera welatijan û amancê Amerîka mîyanê planan de yê.
Dewamê eşkerayî de sefaretxaneyî dîyar kerd ke tay hetê girêdayeyê hukmatê Îraqî, bi hewayêko çalak destekê sîyasî, malî û operasyonî danê grûbanê milîs.
Sefaretxaneyê Amerîka da zanayene ke rixmo ke warê hewayî yê Îraqî ame akerdene û gêrayîşê bazirganî yê bisînor dest pêkerdo zî, welatijê Amerîka yê ke wazenê warê hewayî yê Îraqî bigêrê, endişeyê fuze, dron û roketan ra agahdar bibê.
Erjeno merdim avjo ke hewteyo viyarte, badê şer û krîzan ê mabênê Amerîka-Îsraîl û Îranî de û dest pêkerdişê adirbestî reyde, hukmatê Îraqî raywanîya hewayî ya zere û teberî dabî dest pêkerdene. Naye ra têgêrayîşê welatijanê xerîban û heyetê sîyasî û dîplomatîk reyna dest pêkerdbi.
