Dîrektorê ANF’yî Osman Kiliç ke xeylê wext o tedawîya kanserî dîyêne, şaristanê Tielî yê Hollanda de dinyaya xo bedilnaye.
Kedkarê Çapemenîya Azade, dîrektorê ajansê ANF’yî ma Osman Kiliçî şaristanê Tielî yê Hollanda de dinyaya xo bedilnaye.
Dîrektorê ANF’yî Osmano Kiliço ke 1990î ra nat xebetanê Çapemenîya Azade ca girewt, ewro şaristanê Tielî yê Hollanda de şi heqîya xo. Kiliç di serrî ra zafêr o ke tedawîya kanserî dîyêne.
Osman Kiliço ka 1968î de Kurtalan de keyeyêkê welatperwerî de ame dinya, ciwanîya xo de mecbur mend ke şîro Hollanda. Kiliço ke Ewropa de hetanê welatperweran de ame têhet, tîya tewrê xebatan bi. 1990î ra dima mîyanê xebatanê Çapemenîya Azade de ca girewt û nê xabatan de keda pîle daye. Ronayîş û rayberdişê dezgehanê tarîxîyan ê sey Med TV, Medya TV’yî de ca girewt. Wezîfeyê dîrektorîya ajansê ANF’yî girewt xo ser. Xebatanê Çira TV û Ronahî TV’yî de ca girewt.
Kiliço ka aşma sibate ya 2024î ra nat rîyê problemanê giranan ê weşîye ra tedawî vîneno, nê prosesî de zî xebatê xo domnayî. Bado ke rewşa Kiliçî bîye xidare, seba klînîkêkê şaristanê Tielî ame berdene û tîya de dinyaya xo bedilnaye.
Derheqê programê cenazaya şehîdê Çapemenîye Azade Osman Kiliçî de do dima eşkerayî bêra dayene.
