MKG û DFG’yî seba piştgirîya Çapemenîya Azade ke roja ke hêrişê vera Rojava dest pêkerdî heta nika rastê sansurî yena, do emşo saete 21:00î de xebata “#SansureKarsıTakipEt” bikera.
Roja ke hêrişê çeteyanê HTŞ û SMO’yî vera Rojavayê Kurdîstanî dest pêkerdê heta nika sazgehê Çapemenîya Azade sansur reyde rî bi rî ya. Ajans, rojname û televîzyonan reyde eynê wextî de hesabê medya dîjîtal ê rojnamegeran zî yenê astengkerdene û keyepelî yenê girewtene.
Komela Rojnamegeranê Cinî ya Mezopotamyayî (MKG) û Komela Rojnamegeran a Dîcle Firatî (DFG) seba piştgirîya Çapemenîya Azade ke sansur û astengkerdişî reyde rî bi rî manenê, medyaya dîjîtale ser o xebata hashtagî dana destpêkerdene.
Na çarçewa de do ewro saete 21:00î de platformê X’î ser o bi hashtagê “#SansureKarsıTakipEt” xebate bêra kerdene. MKG û DFG’yî vengdayîşê xurtkerdişê xebate kerd.
