Rojnameger Osman Kiliç bi sloganê “Şehîd namirin” ame definkerdene. Waya ey Sebelan Kiliç merasimê cenaza de qisey kerd û vat ke vateyê peyênî yê Osman Kiliç “Berxwedan Jiyane” bîyê.
Osman Kiliç, rojnamegerê Çapemenîya Azade û Dîrektorê Ajansê Xeberan ê Firatî (ANF) ke 12ê adare de Tiel ê Holanda de cuya xo ra bî, bi teyara ard Teyaragehê Amedî û dima ra zî ard qezaya ey yê ke tede maya xo ra bîyo, Misirc ê Sêrte. Cenazaya Kiliç badê ra berde şaristanokê Zokeyd ê qezaye, îta de verê definkerdişî merasimê dinî ame viraştene. Merasim de keyeyê ey, temsîlkarê Komeleya Rojnamevanan ê Dîcle Firatî (DFG), Komeleya Rojnamevananê Cinî ê Mezopotamya(MKG) Parlamentera Partîya Têduştî û Demokrasî ya Şaran (DEM Partî) Sabahat Erdogan Saritaş û Serhat Eren û sewbîna zî temsîlkarê partîyanê sîyasî û rêxistinê komelê sivîlî tewrê merasimê Cenaza bîyê.
Waya Osman Kiliç Sebelan Kiliçe vat: “Heta cuya xo ra bî, ma têhet de bî. Ma o tena nêverda, tim vatêne ‘na cuye qedêna, cuyêka newî dest pêkena.’ Ez tena waya ey nîya, hemraya ê bîya. Ma pê serêberzê. Heta ke weş bî têkoşîn da, dest xoverdayîş ra veranêda. La endî hêza ey qimê na dinya nêkerd.”
Xwişka Kiliç Sebelan Kiliçê got: “Heta jiyana xwe ji dest em li cem wî bûn. Me ew bi tenê nehişt Tim digot, ‘Ev jiyan bi dawî dibe, jiyaneke nû dest pê dike.’ Ez tenê ne xwişka wî bûm, hevrêya wî bûm. Em pê serbilind in. Heya sax bû têkoşiya, dest ji berxwedanê berneda. Lê êdî hêza wî têra vê cîhanê nekir.”
Sebelan Kiliçê dîyar kerd ke vatena ey yê peyênî “Berxwedan Jiyane” bîyê û vat ke do têkoşînê ey bidomnê.
Badê qisey kerdene girse goristan ra vila bî û tezayî Osman kiliçî keyeyê Şînî yê Sirri Sureya Onder ê Misirce de do bêro ronayene.
