Seba dayîka Zeynep Cansiz a maya Pêşengê PKK’yî Sakîne Cansiz keyeyê Cemî yê Evka 2 yê Îzmîrî de konê serweşîye ameya ronayene.
Zeynep Cansiz dayîka yew pêşengê PKK’yî Sakîne Cansiz, ewro sere sibayî nêweşxaneyê ke tede ameyne dermankerdene cuya xo ra bîye. Dayîkê Aştî, Aktîvîstî TJA’yî Parlamenterê DEM Partî yê Îzmîrî Burcugul Çubuk, rayberê partîyanê sîyasî, temsîlkarê rêxistinanê komelî û xeylê welatijî tewrê merasimê cenaza bîyê.
Measimê cenaza de Dayîka Aştî Peyrûze Kurt qisey kerd û vat: “Ma se vajê zî dejê ke ma cuyenê ma nêeşkenê bîyarê ziwan. Dayîka Zeynep dayîka pêşenga ma Sakîne Cansiz bî. Saya ked û îradeya Sakîne ke hepisxaneyê Amedî de da mojnayene, ewro vernîya cinîyanê kurdî akerdo. Dayîka Sakîne heta nefesê xo yê peyênî zî aştî waşt. La bê ke aştî bivîno çimê xo girewtî. Ma wazenê naye vajê seba dayîka Zeynep. Selamanê ma heme dayîkan û şehîdanê ma yê ke oxirê na rayîrî de cuya xo ra bîyê, bike. Ma soz danê to aştîya ke to nêdî ma do bivînê. Heta aştî bêro nê welatî ma do têkoşînê xo bikerê.”
Merasima cenaza bi şuware û gulbangan ame qedênayene
Cinîyan cenazaya Zeynep Cansiz girewte serê milanê xo seba oxirkerdena Dêrsimî berdê Teyaragehê Adnan Menderes.
