Çimeyanê mîyanneteweyî îdia kerd Serekê Îstîxbaratê Îranî Îsmaîl Hatîb hetê Îsraîlî ra ameyo kiştene.
Şerê Îsraîl-Amerîka û Îranî de vîndîbîyayîşê berpirsîyaranê Îranî vêşî benê. Vizêr dimayê kiştişê Serekê Ewleyîya Neteweyî yê Îranî Alî Laricanî ame eşkerakerdene ke Serekê Îstîxbaratê Îranî Îsmaîl Hatîb zî encamê hêrişanê Îsraîlî de ameyo kiştene.
Îdiaya kiştişê Qalîbafî amebî kerdene
Îsraîlî vizêr zî eşkera kerdbi ke Serekê Konseya Ewlekarî yê Neteweyî yê Berze Elî Laricanî kişto. Her çend çapemenîya faris vizêr na îdia red kerdba zî ewro rayedaranê Îranî mergê Larîcanî eşkera kerd. Saetanê serê sibayî de Îsraîlî eşkera kerdbi ke Serekê Parlamentoyê Îranî Mihemed Baqir Qalîbaf zî kişto. La heta nika Îranî bi fermî derhe qê kiştişê nê her di rayedaranê xo de eşkerayîyêk nêdaya.
