KONGRA-GEL’î Newroze pîroz kerd û wina vat: “Seba ke na Newroze biba wesîleyê azadîya Rayber Apoyî ya fîzîkî, seba ke biba wesîleyê yewîya demokratîk a şarê Kurdîstanî û azadîya şarê ma, her çar hetanê welat û teberê welatî de ganî çalakîyê girseyî bêrê kerdene.”
Dîwanê Hemserekîya KONGRA-GEL’î mesajê Newroze weşana û Newroze pîroz kerd.
KONGRA-GEL mesajê xo de wina vat: “Sere de Newroza Rayber Apoyî, heme hevalan û şarê Kurdîstanî ma Newroze bi zerrîye pîroz kenê. Mazlum Dogan, Zekîye Alkan, Rahşan Demîrel, Bêrîvan û Ronahî kesayetê înan de heme şehîdê Newroze bi hurmet anê xo vîr. Bi veşnayîşê bedenê xo Newroze seba şarê ma bîya sembolê xoverdayîş û azadîye.
Newroza 2026î şertanê nêasayeyan de yena pêşwazîkerdene û qewimîyayîşê Rojhelatê Mîyanênî sey ‘prosesê Şerê Dinya yo Hîrêyin” pênase kerd û vat ke şarê Kurdîstanî heme parçeyan de seba azadîye amade yo.
Hewteyêk o çar parçeyanê Kurdîstanî de pîrozkerdişê Newroze dewam keno û beşdarîya girseyan 2026î de do rasterast têkoşînî ser o tesîrdar bikero.”
KONGRA-GELî vengdayîşê xo wina dewam kerd: “Seba ke Newroze biba wesîleyê azadîya fîzîkî ya Rayber Apoyî, yewbîyayîşê demokratîkê şarê Kurdîstanî û azadîya şarê ma, çar hetanê welatî de û teberê welatî de Newroze bi girseyan pîroz bikerê û bi vengêko xurt mesajê xo biresnê heme dinya.”
KONGRA-GELî peynîye de wina vat: “Êdî wextê azadîya şarê ma ameyo. Newroza 2026î wa biba Newroza azadîye.”
