Hemserekanê DEM Partî yê Pêroyîyan Tulay Hatimoğullari û Tuncer Bakirhanî Roşanê Remazanî pîroz kerd û waşt ke roşan heme kesan rê aştîye, azadîye û seypêyî bîyaro.
Hemserekanê DEM Partî yê Pêroyîyan Tulay Hatimoğullari û Tuncer Bakirhanî mesajê xo yê Roşanê Remazanî bi kurdkî (kurmanckî, kirmanckî), tirkî û erebkî weşana.
Mesajî de îfade bî ke roşan başîye, dostanîye û haştîye rê ber akeno û no dem de ke dinya, Rojhelato Mîyanên û Tirkîya de vurîyayîşanê tarîxî ciwîyenê, mesajanê haştîye, wayûbiratîye, seypêyî û adaletî rê tewr zêde hewcedarî est a.
Mesaj wina yo:
“Ma ke nasname, bawerî û kulturê xo ra cîya yê, bawer kenê ke pîya seypê, adîl, azad û demokratîk biciwîyê. No rayîr, seba Tirkîya awankerdişê Komara Demokratîke, seba herême zî awankerdişê Rojhelatê Mîyanênî yê Demokratîkî ra vîyareno. Prosesê Haştîye û Komelê Demokratîkî de ma bawer kenê ke pê gamanê hemparan nêzdîyê haştîye benê; bi na bawerîye Roşanê Remazanî yê 86 milyon hemwelatîyanê xo pîroz kenê. Wazenê ke roşan heme kesan rê haştîye, azadîye û seypêyî bîyaro.”
