Çarçewaya munaqeşeyanê qanûnê çarçewa de, giredayeyê xebatan de ke yenî rayraberdene çimeyanê DEM Partî qisey kerd û dîyar kerd ke nê kombîyayîşan de prosesî ser o pêşnîyaz û fikrî yenê parekerdiş.
Mîyanê kulîsan de yeno qiseykerdene ke nê kombîyayîşê Partîya Têduştî û Demokrasî ya Şaran (DEM Partî) ke çareçewaya munaqeşayanê qanûnê çarçewa de yenê kerdene, tena astê Meclîsî de nîyê; eynê wextî de mişewreyê partîyanê sîyasîyan û rêxistinanê sivîl ê komelkîyan zî xo de hewîneno. Çimeyanê partî danî zanayene ke kombîyayîşê Serekê Meclîsî Numan Kurtulmuşî reyde û têkîlîyanê bînan de ke ameyî ronayene, xebatê agahdarkerdişê dihetî û erjnayîşê pêşnîyazan yeno kerdene.
Çimeyanê partî yê ke seba Ajansê Mezopotamya ma qisey kerdo, dîyar kerd ke înan pancşemeyê vîyarteyî ra nat dest bi nê kombîyayîşan kerdo û nê prosesî domnenê. Çimeyan dîyar kerd ke înan partîyê sîyasî û rêxistinê komelkî zîyaret kerd ke ameybî Komîsyonê Meclîsî û nê çîyî vatî: “Kombîyayîşanê ma de ma derheqê prosesî de agahîyan danî û pêşnîyazanê înan ê taslakê qanûnî ser o goşdarî kenê. Ma înan ra persenî ka ê wazenî derûdoranê bînan reyde zî derheqê qanûn û prosesî de kombîyayîşêk bîkerî yan nê. Bingeyê munaqeşayanê qanûnê çarçewayî ser o ke nika yenî kerdene û o qanûno ke ganî peşnîyazê pêşkêşkerdişê nê sazgehan ra pey vejîyo, ma agahîyan pare kenê.
Nê kombîyayîşî çapemenî rê girewte yenî kerdene. Nê semedî ra ma plansazîya giredayeyê kombîyayîşan pare nêkenî. Kombîyayîşê ma yê MYK’yî de zî ke do siba bêro viraştene, ma do nê kombîyayîşanê xo bîerjanê. Bi plansazîya ke ma do amade bîkerî, ma do kombîyayîşanê xo bidomnê.”
