Operasyonê de ke merkezê ey Îstanbul de yo rojnamegerê ke ameyê tepîştene, bi waştişê tepîştişî erşawîyayê dadgerîye.
Çarçewata tehqîqato de ke merkezê ci Îstanbul de yo 17ê çeleyî de sereştişê keyeyan de rojnamegerê ke ameyê tepiştiş Necla Demîr, Rahîme Karvar, Ehmed Guneş, Welat Ekîn, Reyhan Hacioglu û Wedat Oruç, badê îfadeyan, dozgerî bi waştişê tepiştişî erşawitî dadgerîye.
Necla Demîr, Rahîme Karvar, Ehmed Guneş û Welat Ekînî ke Îstanbul de ameyê tepiştiş, Dadgeha Îstanbulî ya Çaglayani ra ameyî ardene. Ame zanayene ke îfadeyê Reyhan Haciogluyî ke Wanî de tepiştbî û Wedat Oruçî ke Mersînî de tepiştbî do bajaranê ke tede yê, uca ra bi SEGBÎS’î (Sîstemê Enformasyon ê Veng û Resimî) bêro girewtene.
Savcî, bê ke îfadeyê 6 rojnamegeran bigîro bi îddîaya “endamtîya rêxistine” bi waştişê tepiştişî erşawitî dadgehî.
Rojnamegerî bi xeberan û programanê munaqeşeyî ke kerdê yenê sucdarkerdiş. Reyna seba ke înan tecrido ke rayberî PKK’yî Abdullah Ocalanî ser o yo erjnayê yenê sucadrekene.
