Amedspor ewro Îskenderun de beno mêmane Hataysporî. Çimêk Amedsporî ro girewtişê 3 puanan o û çimo bîn zî serê maçê her di reqîbanê ey yê sereke de yo.
Hewteyo 32. ê Lîgê 1. ê Trendyolî de Amedspor ewro beno mêmanê Hataysporî. Maçî kerdene saete 13:30 de stadê Hataysporî yê Îskenderûnî de yeno kaykerdene. Lîg de îdiaya Hataysporî nêmenda û kewtişê lîgê 2. qetî bîyo. Seba Amedsporî zî no maç semedê îdiaya domdarîya şampîyonî û vejîyayîşê Lîgê Sûperî zaf muhîm o. Bi nê munasebetî her çend seba Amedsporî na musabeqaye sey maçî ke rehete bêro dîyayîşî zî hewteyanê peyênan de Hatayspor îstîkrarêko baş mojnena. Naye ra maçê ewro xeylê bale ancena.
Çimêk Amedsporî zî reqîbanê ey ser o yo
Musabeqaya her di reqîbanê Amedsporî yê sereke zî ewro yê. Esenler Erok ewro deplasman de beno mêmanê Erziromsporî. Netîceyê na musabeqa zî Amedsporî nêzdî ra eleqedar keno. Seba naye do çimêk Amedsporî girewtişê 3 puanan de yo û çimo bîn zî serê musabeqaya her di reqîban de yo. Maçê Erziromspor û Esenler Eroksporî seba Amedsporî avantajêko gird o.
Musabeqaya Amedsporî û Hataysporî saete 13:00 de dest pê kena, serê ekranê beIN Sport Max û TRT Sporî zî gandar do bero weşanayene.
