Stenbol de Newroza “Azadî û yewîya Demokratîk” bi tewrbîyayena mîlyonan kesan dest kerd ci. Şayîya seba cangorîyanê azadîye bi deqîqeyêk rêzgirewtene dest kerd ci.
Şayîya Newroza Stenbolî ya ke emser bi dirûşmeyê, “Azadî û Yewîya Demokratîk” yena viraştene dest kerd ci. Bi hezaran kes bi cil û belgên xo yê neteweyî, beyreq û filamayanê kesk, sor û zer tewrê şahîya Newroze bî. Şahîye seba cangorîyanê azadî û demokrasî bi rezgirewtiş dest kerd ci û siloganê “Şehîd namirin” ame berzkerdene. Girseye qade de siloganê, “Bijî Serok Apo”, “Jin jîyan azadî”, “Yek e yek e yek e Kurdîstan yek e” berz kena. Qada Newroze bi vengê silogan û reng bi renganê rindekan ameya xemelnayene. Dima ra Koma ribabe vejîye serê sehneye û hezaran govende girewte.
Dima ra Hemserekê DEM Partîye yê Stenbolî Arîfe Çinar û Çinar Altan seba silamkerdene vejîyayî serê sehneye.
Şahîye de siyasetmedaro Kurd Çetîn Arkaş, Hemsereka Pêroyî yê DEM Partîye Tulay Hatîmogullari, Hemverfeka HDKî Meral Daniş Beştaş, aktîvîsta Têgêrayîşê Cinîyanê Azad (TJA) Sebahat Tuncel, Hemserekê Konfederasyonê Yewîya Elewîyanê Demokratîk Huseyîn Mat şahîye de qisey bikerê.
Hunermend Suavî û Koma Amedî zî vejîyê serê sehneye û kilaman vajê.
