Hemsereka DBP’yî Çigdem Kiliçgun Uçare şayîya Newroza Sêrtî de qisey kerd û vat: “Xoverdayîşê 27 serran ra dima birêz Ocalan ganî azad bibo û şarê Kurdî de pêreso û pîya rayera şoro.”
Şayîya Newroza Sêrtî bi hezaran kesan ame pîrozkerdene. Pankartê “Nasnameya ma game bi game verba azadîya. Keso ke tîje sêneyê xo de piştî keno eyrê silam bo. Newroza to pîroz bo ey roja ma.” emeyî çarnayene. Seba Hemserekê PYD’yî Salih Muslim û heme şehîdanê azadîye rêz ame girewtene û siloganê “Şehîd namirin” ameyî eştene.
Hemserekê DEM Partî yê Sêrtî Kenan Bilge û qayyim eşteyê Şaredarîya Sêrtî de endama Meclîsî Elîf Akane kilmekî qisey kerd û Newroz pîroz kerd.
Waştena Yewbîyayene
Hemverfekê Înîsiyatîfê Yewîya Demokratîk Mehmet Kamaçî zî bale ante serê bîyayişanê Rojhelatê Mîyanênî û seba yewbiyayena Kurdan wina vat: “Wazenê ke destkewteyanê Kurdan dest ra bigê û vêrnîya Kurdan tarî bikerê, kurdan bixendeqnê. Kurdî heta ke bî azad xover bidê. Xoverdayîşê Rojavayî bêemsal o. Şehsê Salîh Muslimî de vera şehîdanê ma de sereyê xo nanîme ro. Bi bedelê şima ma serkewenê û na qirneye bena qirneya Kurdan. Kurdî eke bî yew eşkenê dinya bihêjnê. Nê rojanê tarixîyande yewîya ma hewce kena. Şarê Kurdî ke yewbo dinya bêro pê nêeşkena.”
Kamaçî bale ante prosesî neweyî û gamê ke Têgêrayîşê Azadî ya Kurdan eştê ser û wina vat: “Na manîfestoya Birêz Ocalanî hetê Tirkîya ra bê cewab mende. Hîna ke rewo gamê tarixî bêrê eştene û qanûnê demokratîkî vejîyê.”
‘Şarê Kurdî na Newroze de nêrazîbîyayena xo arde ziwan’
Dima ra Hemsereka Partîya Herêman a Demokratîke (DBP) Çîgdem Kiliçgun Uçar qisey kerd û verê Newroza şarî pîroz kerde û wina vat: No serd de no royê azadî yê Newroze bi kedê şima pêrûne ameyo na aste û peynîya peyêne de bi azadîye serkewte bibo. Bi azadîya kamî? Bi azadîya Rayberê Şarê Kurd Abdullah Ocalanî. Hezaran serrîyo no adir seba azadîye vêşeno.”
Çigdem Kilicgun Uçar wina domna: “Newroz tena yew teqwim nîyo. Şarê Kurdî bi hezaran serrî yo ke nê adirî seba azadîye tafîno. Newroz îtîrazê bindestan hemînan o, no îtîraz ewro na cografya de senî ver bi çareserî şino yeno qiseykerdene. B qerarê meclisî serranê ke kurdî ameyê înkar kerdene ra dima ewro do çî bikerê cayê înkarî ey munaqeşe kenê. Huqûqê nê welatî de kurdî, elewî, cinî çinî yê. kurdî vanê ganî huqûq bêro vurnayene, nê huqûqî de ronayoxê nê welatî şarê kurdî do ca bigîro, do bibo hemwelatîyo têduşt. Ziwanê dayîke nasnameyê mi no, ez wazena bi ziwanê xo biciwîya. wexto ke meclisî de ma kurdkî qisey kenê mîkrofon yeno girewtene. Paradîgmaya birêz Ocalanî Rojava de ciwîyena. Şarê Rojava vat ez şer nêkena ez do muzakere bikerî, dîplomasî bikerî û serbikewî. Kurdî dorê yew sloganî de ameyê têhet. Na slogan xoverdayîşê Rojava bi ma da eştene. Sloganê Rojava Rojhelato, Kurdîstan Yew Welat o. Xoverdayîşê ma daîmî bo.”
‘Ganî birêz Ocalan azad bo’
Çîgdem Kiliçgun Uçar vat ke Şarê kurdî 27 serrî yo Abdullah Ocalan reyde xoverdano û wina dewam kerd: “Ganî statûya birêz Ocalanî bêro zelalkerdene. Ganî birêz Ocalan azad bibo. şarê kurdî bi ziwanê dayîke do bicwîyo, bi nasnameyê xo do biciwîyo. Sere de birêz Abdullah Ocalanî û embazê ma yê hepisxaneyan de girewteyê Newroza înan hemînan pîroz bo.”
Badê qisey kerdene bi çoşêko gird sîyasetmedaran adirê Newoze wekerd û dima ra Koma Vejîn û Hozan Arhat sehne girewt deyîranê înan reyde govenda dergûdila ameye girewtene.
