Qezayanê Tetwan û Xelatî yê Bedlisî de sereştişê keyeyan de 25 kesî ameyî destbendkerdene. Ame zanayene ke sereştişê keyeyan de Dayîka Aştî Bedrîye Talaş zî ameya destbendkerdene.
Bedlis de serê sibayî qezayanê Tetwan û Xelatî de sereştişê zaf keyeyan bîyî. Serdozgerê Komare yê Bedlisî ke bi îdiaya “propagandaya rêxistine kerda” tetqîqat da destpêkerdene. Ame zanayene ke çarçeweya nê tetqîqatî de 25 kesê ke keyeyê înan ser o sereştişî bi, ameyî destbnedkerdene. Ame zanayene ke sereştişê keyeyan de Dayîka Aştî Bedrîye Talaş zî ameya destbendkerdene.
Goreyê agahîyan 25 kesî bi manayê ke beşdarê pîrozkerdişanê Newroze bîyî ameyî destbendkerdene. Sewbîna ame vatene ke sereştişan de polîsan heme destbendkerde û endamanê keyeyê rê îşkence kerdo.
