Dewa Pore ya ke qezaya Tetwanî ya Bedlîsî de ya, mîyanê zinaran de şikeftê ke ameyê viraştene hem herinda tarîxî ya Urartuyan xo de hewînenê hem zî bi dîmenanê xo sey pencerayê cenetî asenê.
Şikeftê dewa Pore ke 20-25 kîlometre qezaya Tetwanî ya Bedlîsî ra dûrî yê, herindê tarîxî yê dewrê Urartuyan mîyanê xo de hewînenê. Dewa Pore û şikeftê tarîxî ke qeraxa Gola Wanî de yê, bi rindekî û tarîxê xo aşmanê hamnanî de bi hezaran gêrayoxan rê wayîrîye kenê.
Şikeftê Dewa Pore ke mîyanê zinaran de ameyê viraştene, bi tarîxbîyayîş û honikiya xo kesanê ke yenê herême fîraz kenê. Şikeftê Dewa Pore ke serra 2016î de hetê Heyetê Herême yê Pawitişê Estbîyayîşanê Kulturî yê Wanî ra sey mîrasê kulturî ameyê diyarkerdene, bi dîmenanê xo sey pencerayêk Gola Wanî ra ewnîyenê, wayîrê taybetî û aramîyêka bêemsal ê.
