Hêrîşanê vera Îran û Rojhelatê Kurdîstanî de 12 sivilî cuya xo ra bîyî û 38 kesî birîndar bîyî.
Ajansa Xeberan ê Aktîvîstanê Heqanê Merdiman (HRANA) derheqê 24 saetanê peyênan ê şerê Îsraîl-Amerîka û Îran de eşkerayîya nuştekî weşanaye.
HRANA îfade kerd ke 10 şaristananê Îran û Rojhelatê Kurdîstanî de 108 hêrîşan de 21 merkezê eskerî, eskerxaneyê Muhafizanê Şorişî, merkezê Besicî, teyaragehê eskerî, merkezê polîsan, embarê petrolî û dezgehê enerjîya nukleerî yê binê erdî hedef girewtî.
HRANA îfade kerd ke hêrîşan de 12 sivilî cuya xo ra bîyî û 38 sivilî birîndar bîyî. Hêrîşî bi taybetî Îsfehan, Xuzistan, Fars, Tahran û Tebrizî de zêde bîyî.
Goreyê datayanê nefermîyan, 28ê sibate ra nat ke şerê Îsraîl-Îran-ABDyî dest pêkerd, 217 domanî tede 1 hezar 455 sivilî cuya xo ra bîyî.
