Îttîfaqê Hêzanê Sîyasî yê Rojhelatî derheqê kombîyayîşê ke 16ê gulane de viraştbî de eşkerayîye daye û eşkerayîye de ame dîyar kerdene ke têkoşîn do dewam bikero.
Îttîfaqê Hêzanê Sîyasî yê Kurdîstanê Rojhelatî badê viraştişê kombiyayîşê 16ê gulane 2026î de, derheqê rewşa têkoşînê xelasîya Kurdîstanî û wezîfeyanê tarîxî ê îttîfaqî de, yew eşkerayîye vila kerde.
Muhtewaya eşkerayîye wina ya: “Şarê Kurdîstanî yo têkoşer, raya pêroyî û azadîwaştoxî!
Îttîfaqê Hêzanê Sîyasî yê Kurdîstanê Rojhelatî, roja 16ê gulane 2026î de seba erjnayîşê rewşa nika ya têkoşînê xelasîya Kurdîstanî û wezîfeyanê tarîxî yê îttîfaqî de nê qonaxî de yew kombîyayîş viraşt. Di nê kombiyayîşî de, badê erjnayîş û munaqeşekerdişê qewimîyayîşanê peyênan de hewldayîşê seba adirbestî û îmzakerdena pêameyîşê mabênê Amerîka û Îranî de bîyê, asoya ameyoxê siyasî yê Îranî ame erjnayîş û resayî nê netîceyî; Sazgehê komelkî yê şarê Kurdîstan û Îranî yê ke bi dewamkerdişê xebata heqwaştene de do peynî rejîmê Komara Îslamî bîyarê. Di rastî de, terso tewr gird ê rejîmî, xebata xoverdayişê şarê zereyê Îranî yo. Heta nika na raye de nê rejîmî zaf gonîya şaran rişnaya.
Xoverdayîşê neteweyî
Îttîfaqê Hêzanê Siyasî yê Kurdîstanê Rojhelatî na bawerîye de yê ke dewaya meşrû ya kurdan û xebata xelasîya na netewe, zaf demo dergo ke wayîrê tecrubeyê dewlemendî yê. Binê tesîrê tu tewir şer û pêşbazîyanê herêmî de nîyê. Goreyê ewnîyayîşê ma, eksê fehmkerdena ke asta mîyanneteweyî de est a, Komara Îslamî wayîrê tecrubeyê ke wina ya ke nê tewir pêkerdişan nêvurîna û nêna vurnayene.
Coka ra, vurnayîşo rast tena bi raya paştîgirewtena hêzê xo yê cemawerî yê şarî, yewbîyayîşê hêzanê Kurdîstanî û demokratanê Îranî û dewamkerdena têkoşînanê sivîlan mumkin a. Her vurnayîşê seba ameyoxî de, verî her çî paştîya xo danê îrade, xebat û xoverdayîşê neteweyî yê Kurdan û neteweyanê bînan yê Îranî.
Îttîfaqê ma na bawerîye de yo; her çend ke zeîfbîyayîşê Komara Îslamî yê ke netîceya nakokî û şerî de eşkeno bibo hetkarê têkoşînê heqwaştişê neteweyanê Îranî, la ma paştîya xo bi îrade û enerjîya xebata xo girêdanê. Xebat û qederê xo bi rejîmê Îranî girênêdanê.
Komara Îslamî ya Îranî badê nê şerî dest bi zêdekerdişê plananê girewtiş û îdamkerdişê aktîvîstanê siyasî û sivîlan kerdo, tedayê serê komelî zêde kerdê. Hêrişanê terorîstî yê ke serê partîyanê Kurdîstanî yê Başûrê Kurdîstanî de dewam kenê û Îran hewl dano ke nê têkoşînî zeîf bikero, la têkoşînê kurdî bi nê hawayan û zextan çok ronênano.
Averberdişê Hemkarî
Îttîfaqê Hêzanê Sîyasî yê Kurdîstanê Rojhelatî, nê qonaxî de sey rêzgirewtişê ke seba waştişê şarî û hewcedarîya têkoşînê Kurdîstanî, sere de bi averberdişê hemkarî est a. Domnayîş û bihêzkerdişê yewîya xo, berzkerdişê asta xebata medya û tewrbîyayîşêk aktîf yê prosesê û xebata qerardayîşê hemparî dewam kenê.”
