Stenbol de Nasira Saîgî, Îzmîr de Havva Çubukçu, hetê camêrdan ra meyê qetilkerdene ke nêzdêyê înan ê.
Welatî de ke qirkerdişê cinîyan rojev ra nêkeweno, rîyê canêardişê mekanîzmayan cezadayîş û vernîgirewtişî ra, şîdetê camêrdan bêmabên dewam keno.
STENBOL
Qezaya Stenbolî ya Fatîhî de 23yê adare de Velî Cingilea, cinîya xo Nasira Saîgî qetil kerd. Îhbarkerdişê cîranan ser o polîs û ekîbê weşîye ameyê cayê hadîse. Ekibanê weşîye, dîyar kerd ke Nasire Saîgî cuya xo ra bîya. Ekîbanê weşîye, termê Nasira Saîgî, seba otopsî, berd morgê Tibê Edlî.
Kerdoxî reyde 3 mêmanî ke keye de bîyê, ê zî ameyê destbendkerdiş. Badê kar û baranê emnîyetî, kerdox Velî Cingilea, sewqê edlîye ame kerdene, edlîye de qerarê girewtişî ame dayîş û ey erşawit hepîsxane. 3 kesî bînî zî bi şertê kontrolê edlî ameyê veradayîş.
ÎZMÎR
Qezaya Îzmîrî ya Bayrakli de Ugur Baycan, cinîya xo Havva Çubukçu ya ke yewbînan ra abiryaybî, pê sîleh qetil kerd. Îhbarkerdişê cîranan ser o polîs û ekîbê weşîye ameyê cayê hadîse. Badê kontrolkerdişê ekîbanê weşîye, ame dîyarkerdene ke Havva Çubukçu cuya xo ra bîya. Ugur Baycan ke cayê hadîse ra remabi, dima ra xo kişt.
Termî, seba otopsî berdê morgê Tibê Edlî yê Îzmîrî.
