Serekê PDK’yî Mesûd Barzanî, eşkera kerd ke amancê hêrîşê Herêma Kurdîstanî, antişê mîyanê şerekê girdî yo û vera Herêma ya û vat: “Ganî rayîrêko cidî û qarardar bêro vînayîş, rayedarê Iraqî bi xo qerar nê çî bide.
Serekê Partîya Demokrat a Kurdîstanî (PDK) Mesûd Barzanî, derheqê hêrişanê Herêma Kurdistanî ser o mesajêk vila kerd û veng da îqtîdarî Iraqî.
Mesûd Barzanî vat: “Hêrişê bi nê rengî şerwaştişêko eşkera yo, no zilm o, hedê xo ra vîyarteyo û neheqîyêka gird a hemverê Herêma Kurdîstanî. Ganî seba nê rayîrêko cidî û qerardar bêro girewtiş.”
‘Ganî rayîr nêdîyo hêrişanê serê herême’
Barzanî eşkera kerd ke nê hêrişî bi şermezarkerdene, telefon, protesto û kombîyayişan çareser nêbenê û dewam kerd: “Ganî îqtîdarê Iraqî bêhet bo, yan eşkera bikero ke nêeşkeno rayîr hemverê nê grûbanê teberê kanunîyan ra bîgêro, yan zî ganî bi cidî bikewo mîyanê nê têgêrayîşî û pawitaşê dewlete bikero. Ganî tedbîranê cidîyan bigiro ke endî hêrişê neheqî Herêma Kurdîstanî ser o nêbê.”
