AVA TV a ke Başûrê Kurdîstanî de weşan kena, bultenêkê xo de rîyê Rayberê Şarê Kurdî Abdullah Ocalanî sansur kerd.
AVA TV a ke şaristanê Hewlêr ê Başûrê Kurdîstanî de weşan kena, bi rêbazêko sosret fotografî de rîyê Rayberê Şarê Kurdî Abdullah Ocalanî sansur kerd yanî mozaîk kerd. Bultenêkê AVA TV’yî de ke Sureyya Hesarî pêşkêşkarî kena, ewil behsê mesajê peyên ê Rayberê Şarê Kurdî Abdullah Ocalanî kena, dima ra zî fotografê Rayberê Şarê Kurdî Abdullah Ocalanî û girewteyanê bînan yeno ekranî ser la AVA TV’yî rîyê Ocalanî sansur kerdo.
No kerdiş û weşangerîya AVA TV’yî platformanê medya dîjîtal ser o rastê nerazîbîyayîş û reaksîyonan ame.
Ame zanayene ke AVA TV’yî verê zî eyn fotografî de rîyê Abdullah Ocalanî sansur kerdo.
