Xeylê şaristananê Vakurê Kurdîstan û Tirkîya de şar seba ke beşdarê Festîvala Rojbîyayîşê Rayberê Şarê Kurdî Abdullah Ocalanî bibo, herikîyeno qezaya Xelfetî ya Riha. Şar saetanê serê sibayî de vernîya parka 4ê Nîsane de kom beno ke do tede programê festîvale bêrê kerdene.
Komîteya Amadekar a Festîvala Rojanê Amara seba 77 serrîya Rayberê Şarê Kurdî Abdullah Ocalanî do ewro qezaya Riha Xelfetî de Parka 4ê Nîsane de festîvalêk organîze bikero. Şaristananê Vakurê Kurdîstan û Tirkîya saetanê serê sibayî de bi hezaran kesî seba pîrozkerdişê Rojbîyayişê Rayberê Şarê Kurdî Abdullah Ocalanî resayê Xelfetî. Girse vernîya awanîya DEM Partî ya qezaya Xelfetî û Parka 4ê Nîsane de kom beno. Sewbîna kuçeyanê Xelfetî de zî girse kom bi kom paweyê destpêkerdişê pîrozkerdişanê Festîval ê.
Girse bi vatişê sloganê, “Rojbûna te pîroz be ey Serok Apo” û “Bijî Serok Apo” û girewtişê govende paweyê destpêkerdişê festîval ê. Girseyo ke bi otobusan şaristananê cîya-ciya ra reseno Xelfetî, fotografanê Rayberê Şarê Kurdî Abdullah Ocalanî û vatişê sloganan yeno Parka 4ê Nîsane ke do tede programî bêrê kerdene.
