Gerîlayanê azadîya Kurdîstanî dîyar kerd ke heta azadîya Rayber Apoyî ya fîzîkîye bêro caardene do têkoşînê xo dewam bikerê.
Gerîlayanê azadîya Kurdîstanî bi wesîleyê 4ê nîsane roja bîyayîşê Rayber Apoyî hîs û fikrê xo ardî ziwan û vat ke na roje seba heme merdimîye roja newebîyayîşî ya.
Gerîla Firat Çîyagerî vat: “Na roje koyanê azadan ra ma Rayber Apo û Dayîka Uveyşe rê pîroz kenê. Rayber Apoyî ra ver Kurdîstan de û seba kurdan tu çî çin bî. Bi vejîyayîşê Rayber Apoyî seba dinya na roje bîya roja hêvîye, moralî û estbîyayîşî. Bîyayîşê Rayberîye eynî wext de bîyayîşê ma û heme şarê kurdan o. Na bingeyî ser o ma venga heme ciwananê kurdan û ciwananê enternasyonalîstan danê: Dormeyê Rayber Apoyî de bibê çemberê adirî ke nê prosesî biresnê serkewtişî.”
“Na roje de sozdayîş manadar beno”
Gerîla Rojhat Maraşî vat: “Roja bîyayîşê Rayber Apoyî roja bîyayîşê yew şarî ya. Ma vanê ke: Heta ke azadîya fîzîkîya Rayber Apoyî bêro temînkerdene ma do têkoşîna xo ra fek nêverdê.”
“Bîyayîşê Rayber Apoyî newebîyayîşê yew komelî yo”
Gerîlaya YJA STARî Zîlane Dersîm vat: “Ma bîyayîşê Rayber Apoyî ra sey rojêka bîyayîşî nêewnîyenê. Sey newebîyayîşê yew komelî ewnîyenê. Nê bîyayîşî xo reyde komelê kurdan û Rojhelatê Mîyanênî şîn kerd. Na rewşe bi taybetî kesayetê cinîye de şênber bîye. Çunke bi hezaran serrî komelêk ke vera asîmîlasyonî bî, est bî. No bîyayîş, bî bîyayîşê newebîyayîşê vera asîmîlasyonî û çinkerdişê naye.”
Zîlane Dersîm vat: “Proseso ke Rayber Apoyî dest pêkerdo, ma xo tira heta peynîye berpirsîyar vînenê. Tena na serre ney, ma do heme serran bikerê serra newebîyayîşê komelî. Bi taybetî zî azadîya fîzîkîya Rayber Apoyî do teqez temîn bikerê.”
“Heta serkewtişî ma do rayîrşîyayîşê xo dewam bikerê”
Gerîlaya YJA STARî Têkoşîne Varto vat: “Ma soz danê hevalanê şehîdan û dayîkanê şehîdan: Heta ke azadîya fîzîkîya Rayber Apoyî bêro temînkerdene ma do têkoşînê xo dewam bikerê. Ma biheyecan ê, hêvîdar ê. Bi destpêkerdişê prosesê haştî û komelê demokratîkî hîsanê zaf cîyayan tecrube kenê; mîyanê ravurîyayîş û bedilîyayîşêk de yê.”
Têkoşîne Varto vat: “Se bibo zî amancê ma yo bingeyîn azadîya fîzîkîya Rayber Apoyî ya. Bê ke azadîya fîzîkîya Rayber Apoyî bêro caardene, ne dinya ne zî sey şarî, ma şênê behsê azadîye bikerê. Tîya ra heta Îmrali Rayberîya xo rê selamanê xo yê german şawena, hesretê xo şawena. Se bibo zî emser ma do biresê ci. Bi nê hîsî, nê heyecanî û bi nê têkoşînê xebatanê xo, ma do dewam bikerê.”
