Badê eşkerayîyanê şîdetî û tehdîdê Pasdaranê Şorişî yê Îranî, Hêzanê Deryayî yê DYA’yî vera Îranî dest bi hêrişanê fuzeyan ê zaf girdî kerd. Goreyê agahîyan mîyanê çend saetan de zafêrê 100 fuzeyê Tomahawkî ver bi şaristananê Îranî ameyê eştene. Netîceyê eştişê fuzeyan de xeylê merkezê leşkerî, îstixbaratî û binawanî ameyê çinkerdene.
Şerê Îsraîl-DYA û Îranî badê ke munaqeşeyê adirbestî ê tehdîdê her di hetan gir bîyê. Hêzanê Deryayî yê DYA’yî vera Îranî dest bi pêlêke girdî yê hêrişanê fuzeyî kerd. Ame eşkerakerdene ke tesîrê nê hêrişan pêroyî Îranî de yeno hîskerdene û xeylê şaristanan de vengê teqayîşanê gird yeno hesnayene. No operasyonê DYA’yî sey cewabêko tewr giran ê 39 rojanê şerî yeno vînayene.
Keştî û qerargehan ra hêrişê hemwextî
Îhtîlafê ke tehdîdê rayedaranê Îranî û Îsraîl-DYA’yî reyde ameyene kerdene, înan dima şerêko herêmî yo gird dest pêkerd bî û ewro mudaxaleyê Fermandarîya Hêzanê Merkezî yê CENTCOM’î bi fuzeyan ke keştîyê şerî û qerargehê herême ra ameyê eştene, binawanîya leşkerî yê Îranî hedef girewtê.
Xeylê cayan de cereyan ameyo qutkerdene
Goreyê agahîyanê destpêkî, hêrişî taybetî merkezê fermandarî, tesîsanê berardişê fuzeyan û binawanîya stratejîk kerdê hedef. Şaristanê girdî yê sey Tehran, Îsfehan û Bender Abbasî fikar û ters mîyanê şarî de zêde bîyo. Semedê hêrişanê fuzeyanê Tomahawk, xeylê herêman de cereyan qut bîyo û sîstemê komunîkasyonî rastê arîzeyî yeno.
Tayê hedefê sereke yê ke rastê hêrişanê fuzeyan ameyê nê yê:
Tehran de awanîya îstîxbaratî û xeylê nuqtayê Sipahî Pasdaran (IRGC) ame pirodayene. Sewbîna zî merkezê şerê sîberî zî bîyo hedef.
Herêma Kerec, Îsfehan û Semnanî depoyê fuzeyanê balîstîk, siloyê binê erdî û merkezê fezayî ameyê bombarduman kerdene.
Bender Abbasî de qerarqeho sereke yê deryayî û girawa Qeshm û Abu Musa cayê fuzeyan yê vera keştîyan ameyê rijnayene.
Sîstemê radarî û bataryayê S-300 ê dorûverê şaristanê Tehran, Îsfehan û Karajî ameyê hedefgirewtene ke pawitena asmênî ya Îranî bêro qelskerdene.
Kirmanşan û herêma Rojavayê Îranî, Kargeh û merkezê perwerdeyî yê wesayîtê hewayî yê bêmerdim ameyê rijnayene.
