Serekê DYA’yî Donald Trump amadekarîyan keno ke leşkeranê Amerîka tayê welatanê NATO’yî ke babeta Îranî de ‘kêm piştgirî’ daya, uca ra transferê welatanê bînan bikero.
Serekê Dewletanê Yewbîyayeyan ê Amerîka (DYA) Donald Trump, amadekarîyan keno ke leşkeranê Amerîka Amerîka tayê welatanê NATO’yî ke babeta Îranî de ‘kêm piştgirî’ daya, uca ra transferê welatanê bînan bikero. Goreyê xebera platformê Qesra Sipî yê Erebkî, no plan seba tay hemkaranê NATO’yî, sey ‘ceza’ yeno erjnayene.
Leşkerî do welatan de bêrê bicakerdene ke piştgirî daya şerê Îranî
Yeno dîyarkerdene ke no pêşnîyaz nika qonaxê destpêkî de yo. Goreyê planî, Pentagon wazeno leşkeranê xo welatan ra vejo ke şerê Îranî de hemkarîye nêkenê û înan bierşawo welatanê sey Polonya, Romanya, Lîtvanya û Yewnanîstanî ke hîna zaf piştgirîya danê polîtîkayanê Amerîka.
84 hezar leşkerî Ewropa de yê
Nika pêroyê Ewropa de nêzdîyê 84 hezar leşkerê Amerîka bica bîyê. Nê qerarê Trumpî nîşaneyê krîzêko xorîn û kaosêko pîl ê mabênê DYA û NATO’yî de yo. Eke no plan bikewo merîyet do hemsencîyê leşkerî û polîtîk ê Ewropa bi hewayêko şênber bibedilîyê.
