Parlamenterê Çewlîgî Faruk Omer Hulaku netîceyê weçînitişê DEM Partî de sey Amîrê Îdareyî yê Meclîsî yo newe ame weçînayîş. Parlamenteranê partî kombîyayîş de rojevo sîyasî û averşîyayîşê herêmkî erjnayî.
Partîya Demokrasî û Têduştî ya Şaran (DEM Partî) semedê weçînitişê Amîrê Îdareyî yê Meclîsî yê neweyî merkezê pêroyî de kombîyayîş kerd. Kombîyayîşo ke serkêşîya Hemserakanê Pêroyî Tulay Hatîmogullari û Tuncer Bakirhanî de ame kerdene, parlamenteranê partî hem rojevo sîyasî hem zî averşîyayîşê herêmkî erjnayî.
Kombîyayîş de Prosesê Aştî û Komelê Demokratîkî, azadîya fîzîkî ya Rayberê Şarê Kurdî Abdullah Ocalanî serûberkerdişê qanûnî yê ke çarçeweya prosesî de yeno pawitene ke bêrê rojevê meclîsî, krîzo ekonomîk û xebatê 1ê Gulane Roşanê Karkeran ameyî erjnayene. Reyna parlameneteran derheqê şerê mabênê Amerîka-Îsraîl û Îranî, averşîyayîşanê Rojhelatê Mîyanênî de fîkrê xo pare kerdî.
Badê erjnayîşê rojevî semedê Amîrîya Îdareyî ya Meclîsî sindoqe ameye ronayene. George Aslan, Oznur Bartin, Gulderen Varli, Huseyin Olan û Omer Faruk Hulaku bîyî namzed. Netîce vîjnayîşê ke parlamenteran rayî şuxulnayî, Omer Faruk Hulaku sey Amîrê Îdareyê Meclîsî yê DEM Partî yo newe ame weçînitene.
