Vera eşkerayîya adirbestê demkî yê mabênê Îran û Amerîka de zî hêrişê grûbanê çekdar ê vera Herêma Kurdîstanî dewam kenê. Vizêrî ereyê şewe de asmênê Hewlêrî de dronêk ameye vistene.
Goreyê agahîyanê ke ameyê girewtene, vizêrî ereyê şewe asmênê Hewlêrî de vengê dronan ame hesnayene. Badê ke ame eşkerakerdene dronêka xokişt a grûbanê çekdar ke cehd kerd hêriş bikero, verê ke bireso amancê xo hetê sîstemê pawitişê asmênî ra ameye vistene. Goreyê zanayîşanê destpêkî netîceyê vistişê dronî de tu zîyanêkê canî nêvirazîyayo.
Rejîm hêrişan nêvindarneno
Rixmo ke Amerîka û Îranî seba kêmkerdişê krîzan û vindarnayîşê şerî, adirbestêke demkî yê seba 2 hewteyan îlan kerdo zî rejîmê Îranî û grûbê milîsî yê Îraqî goş nêdanê adirbestî û hêrişanê xo yê vera herra Herêma Kurdîstanî domnenê.
Destpêkê şerê Îsraîl-DYA û Îranî ra Herêma kurdîstanî ser o hêrişê grûbanê çekdaran ê bi dronan dewam kenê. Serebûtê vizêrî bi şewe reyna da mojneyene ke qesawetê serê asayîşê herême vera peymananê dîplomatîk reyna zî dewam kenê.
