Bi munasebetê merasîmê Qirkerdişê Garî yê aşma 126. seba ke edalet bêro ca mesajê têkoşînî amaye dayene.
Kesê ke hêrişê DAIŞ’î yê vera Mîtîngê Kede, Aştî û Demokrasî yê 10ê teşrîna verêna 2015î de, Anqara de amebi organîzekerdiş, uca e cuya xo ra bîbî, aşma qirkerdişî ya 126. de ameyê vîrardene. Heme keyeyanê qurbanîyanê qirkerdişî, temsîlkarê dezgehanê komelkî beşdarê merasîmî bîyê ke warê qirkerdişî de ame kerdene. Merasîm, bi rêzgirewtişî dest pêkerd, bi sloganê “10ê teşrîna verêne xo vîr ra meke, mede vîrkerdiş” ame kerdene.
Hemserekê Komela 10ê Teşrîna Verêne ya Aştî Îshak Kocabiyikî, dîyar kerd ke sozê ke dayo embazanê xo, do xo vîr ra nêkerê û wina vat: “Ma, seba 104 kesanê ke ameyê qetilkerdiş, edalet bêro ca, kede danê. Ma do apey game nêerzê.”
Merasîm, bi zîyaretkerdişî abîdeyanê qurbanîyan qedîya.
