Goreyê daneyanê UNICEF’î hêrişê Îsraîlî yê vera Lubnanî de bi desan gedeyî cuya xo ra bîyê, krîzê merdimîye yê welatî zî çiqas şino xorîn beno.
Hêrişaê Îsraîlî de ke roja çarşeme herêmanê cîya yê Lubnanî de qewimîyayê, tewr tay 33 gedeyî cuya xo ra bîyê, 153 gedeyî zî birîndar bîyê. UNICEF’î eşkera kerd ke hêrişan tesîrêko giran û rijnayox gedeyan ser kerdo.
Goreyê eşkerayîya 2ê adare nat welat de zêdeyê 600 gedeyî cuya xo ra bîyê, yan zî birîndar bîyê. Sewbîna zî zêdeyê mîlyonêk merdimî ca û warê xo ra bîyê. Yeno vatene ke 390 hezarê înan gedeyî bîyê.
UNICEF’î bale ante huqûqê merdimîye yê mîyanneteweyî ser o û dîyar kerd ke sivîlî, taybetî gedeyî ganî mîyanê her şertan de bêrê pawitene.
Goreyê çimeyanê weşîye hêrişanê roja çarşeme de bi pêroyî 303 kesî cuya xo ra bîyê.
