Enstîtuya Stenbolî bi piştgirîya ÎSMEK’î seba kirmanckî ma yew firsendêko muhîm awan kena. Daraxê A1-A2 de “Kulûba Qiseykerdişî ya Onlîne” dana destpêkerdene.
Enstîtuya Stenbolî bi piştgirîya Kursê Perwerdeyê Meslekî û Hunerî yê Şaredarîya Stenbolî ya Şaristanê Girdî seba eleqedaranê lehçeya kirmanckî firsendêk awan kena. Daraxê A1-A2 de “Kulûba Qiseykerdişî ya Onlîne” dana destpêkerdene.
Na kulûbe de amanc o yo ke beşdarî bi hewayêko aktîf qisey bikerê, fehm bikerê, goşdarî bikerê û binusê. Semedê averberdişê fekê qiseykerdişî no firsendêko zaf muhîm o.
Şert û melumatê beşdarîye
Beşdarîya ne kulûbe bi temamî bêpere yo û onlîne yo ke her kes bieşko cayo tede ciwîyeno uca ra beşdar bibo. Kesê ke 16 serre yî û serê ci de yê eşkenê qeydê xo bikerê.
Seba qeydan ê ke wazenê eşkenê bi QR koda serê afîşî yan zî adresa enstitu.ibb.istanbul ra qeydê xo bikerê.
