Ciwanê ke çarçewaya “Kombîyayîşê ciwanan ê herême” de Wan de ameyî têhet, bi piştgirîya Merkezê Vîrî û Merkezê Kultur û Hunerî yê Aryenî bale ant vîrê tarîxî û kulturî yê Wanî ke yeno waştene ke herindê ci orte ra bêrê wedaritene.
Bi pêşengîya Merkezê Vîrî û Merkezê Kultur û Hunerî yê Aryenî çarçewaya “Kombîyayîşê ciwanan ê herême” de Wan de ke dingo 5. o, çalakîyêk ameye viraştene. Kombîyayîş de xebatê vîrî û berhemê kultur-hunerî yê ke Tirkîya û herême de yenê kerdene, ameyî erjnayene; ciwanan zî “tecrubeyê vîrî” û fikrê xo pare kerdî.
Vîyarteyê kulturî û tarîxî ame vatene
Çalakî, temsîlkaranê dezgehan ra vete, bi beşdarîya bi desan ciwananê ke çar hetanê Tirkîya û Kurdîstanî ra ameybî, awanîya Aryenî ya qezaya Rêya Armûşî de ameye viraştene. Kombîyayîş bi naskerdişê ciwanan û mekananê şaristanî dest pêkerd û bi qiseykerdişan dewam kerd.
Endama Aryenî Zozan Bor, bi sernameyê “Atolyeya Vîrê Înteraktîf: Xebatê Vîrê yê Herême” meqaleyêk pêşkêş kerd. Zozan Bor vîyarteyê kulturî û tarîxî yê Wanî ser o qisey kerd û behsê herindanê armenî û kurdanê êzidîyan kerd ke demanê verênan de Wan de bîyî.
Dima ke qiseykerdişê ciwanan bi tecrube û persan qedîyay., Dr. Noemi Levy-Aksu derheqê tarîx, awanî, kultur û cografyaya Wanî de qisey kerd.
Kombîyayîş dima ra bi beşê pers û cewaban qedîya.
