Festîvala Keda Cinîyan a Berardene ke Wan de bi pêşengîya Şaredarîya Raya Armûşî û bi hemkarîya 12 şaredarîyanê qezayan virazîyena, roja xo ya dîyine de zî bi tewrbîyayîşê de xurt û bi eynî heyecanî dewam kena.
Festîvala Keda Cinîyan a Berardene ke Wan de hetê 12 şaredarîyanê DEM Partî yê qezayan ra û bi pêşengîya Şaredarîya Raya Armûşî amebî destpêkerdene, roja dîyine de bi coşê ke pîlî dewam kena. Festîvala ke roja xo ya verêne de bi tewrbîyayîşê bi seyan cinîyan berê xo akerdbî, ewro zî Meydanê Şaristanî bî merkezê rûmet û keda cinîyan.
Welatijî û taybetî cinîyê berardoxî, roja diyîne ya festîvale de dora standanê keda destan û berhemanê keyeyî de ameyî pêser û bi eynî heyecanê roja verêne wayîrê îradeyê cinîyan vejîyayî. Çarçewaya bernameyî de tîyatro ame kaykerdene, atolyeya mum û mûran û mojnayîşê dramayî ameyî pêşkêşkerdene.
Welatijan, taybetî zî cinî û domanan eleqeyêk pîl mojna û wextê ke weş vîyarnayê.
