Terefgirê taximê Başûrê Kurdîstanî Zaxospor û keye û dostê goleştoxê Amedsporî Mbaye Diagne, maçê krîtîke yê Bodrumsporî ra ver seba piştgirîye ameyê Amed.
Amedsporo ke Lîgê TFF’yî yo 1. de seba Lîgo Super têkoşîn dano, amadekarîyanê xo yê maçê Bodrumsporî domneno. No maço muhîm ra ver terefgirê Zaxospor û keyeyê Mbaye Diagne seba piştgirî ameyî Amed.
Grûbêk terefgiranê taximê Başûrê Kurdîstanî Zaxosporî klubê Amedsporî zîyaret kerd. Terefgirê Zaxosporî, Serekê Klubê Amedsporî Nahît Eren û endamanê komîteya rayberîye reyde ameyî têhet. Kombîyayîşî de ke terefgirê Amedsporî zî tede amade bîyî, mesajê dostîyeû piştgirîye ameyî dayene. Terefgirê Zaxosporî seba maçê meşte yê Amedsporî serkewtiş waşt û dîyar kerd ke qelbê înan Amedsporî reyde dano piro.
Xelatê dihetî ameyî dayene
Peynîya zîyaretî de terefgirê Zaxosporî, forma û milpêşeyê taximê dîyarîyê Serekê Klubî Nahît Erenî kerdî. Serek Nahît Erenî zî seba nê zîyaretî sipasîya terefgiran kerd û formaya Amedsporî pêşkêşê înan kerd. Zîyaret bi irewtişê fotografêkî ke ruhê piştgirîye mojneno, qedîya.
