Atolyeya Hunerî ya Mudirîyetê Karanê Kultur û Sosyalî yê Şaredarîya Peyasî, seba muracatanê neweyan, kursanê hunerî yê bêperan dayê dest pêkerdene.
Atolyeya Hunerî ya ke binê banê rayberîya Mudirîyetê Karanê Kultur û Karanê Sosyalî yê Şaredarîya Peyasî de ya, seba ciwanan atolyeyanê tembûr, erbane, govend, tîyatro, pîyano û perwerdeyê vokalî akena. Şaredarî ciwanan dawet kena ke beşdarê kursanê bêpereyan ê taxa Huzurevlerî bibê.
Xeylê wendekarî ser kewtê
Şaredarîya Peyasî eşkerayîya xo de dîyar kerd ke par, xeylê wendekarî ke Atolyeya Hunerî de kursî cîya-cîya dîbî, îmtîhananê Konservatûar û Lîseya Huneranê Rindan de ser kewtê.
