Şaredarîya Peyasî ya Amedî, bi beşdarîyê hezar û 200 wendekaranê dibistanî, atolyeya perwerdehî yê ekolojîk û ravurîyayîşî organîze kerde. Binê sloganê ‘Şayîya Ravurîyayîşê Ekolojîk’ de, gedeyan atolyeyanê pratîkan de ca girewt, hem zanayîşê xo derheqê ekolojîyî zêde kerdê û hem zî bi xozayî de têkilîyêka xurte rona.
Şaredarîya Peyasî ya Amedî, bi beşdarîyê hezar û 200 wendekaranê dibistanî, atolyeya perwerdehî yê ekolojîk û ravurîyayîşî organîze kerde. Şaredarîya Peyasî amanc kena ke pawiştişê cugehî, averberdişê neweraqezanckerdişê eşteyan û kêmkerdişê vermendeyan heme warê cuye de bido naskerdene.
Hezar û 200 wendekarê dibistanî grûb bi grûb beşdarê atolyeye bîyî ke Baxçeya Perwerdehîya Ekolojîk ê mîyanê Parka 75î de amebi organîzekerdene. Gedeyan bi sloganê ‘Şayîya Ravurîyayîşê Ekolojîk’ de, atolyeyanê pratîkan de ca girewt. Nê atolyeyan de çalakîyê sey ‘Viraştişê çenteyanê potinan’, ‘Raywanîya toximan’, ‘Kaxidanê eşteyan ra viraştişê kaxidan’ û ‘Viraştişê lîsê milçikan’ ame viraştiş. Bi nê çalakîyanê destan, gedeyan hem zanayîşê xo ê derheqê cuya ekolojîk de zêde kerd û hem zî bi xozayî de têkilîyêka xurte rona. Mudurîyetê Vurîyayîşê Îklîm û Sifir Vermendeyî ê şaredarîya de eşkerayîye xo de dîyar kerd ke înan 13ê gulane de dest bi nê atolyeyan kerdê û seranserê serre de bi kêfweşî hezar û 200 wendekarî meyman kerdê û eşkerayîyêk vila kerd.
Şaredarîya Peyasî, da zanayîşke gede û ciwanan ne tena neweraqezanckerdişê eşteyan, eynî wextî de berardişo domdar û hişmendîya cugehê musayê û vat: “Bi raya çalakîyanê pratîk, înan dîyî ke gamê qijî senîn benê sebebê vurîyayîşêko gird. Ma bawer ê bi saya nê tecrubeyan, vurîyayîşêko asaye nêzdîbîyayîşê gedeyan vera xoza virazîyo.”
Şaredarîya Peyasî diyar kerd ke seba berzkerdişê hişmendîya cugehî, teşwîqkerdişê neweraqezanckerdişê eşteyan û averberdişê tarzêko cuyayene yo hemsencî bi xoza ra, do dewam bikerê.
