Sekreterê Pêroyî yê Neteweyanê Yewbîyayan (BM) Antonîo Guterresî prosesê aştî yê mabênê Tirkîya û PKK’yî sey “Averşîyayîşêko zaf muhîm” pênase kerd û vat ke normalbîyayîşêko mumkin tena Tirkîya rê ney, eynî wextî de heme herêmî re do bi feyde bo.
Guterresî New York de cewab da persanê rojnamegeran û nêzdîbîyayîşêko pozîtîf mojna seba prosesî ke mabênê Tirkîya û Partîya Karkeranê Kurdîstanî (PKK) de yeno rayraberdene.
Guterresî vat: “Ez prosesê aştî yê mabênê dewleta tirkan û PKK’yî sey averşîyayîşêko zaf muhîm pênase kena. Çareserîya temamîye bingeyê stabîlîteyê herêmkî de zî do tesîrêko muhîm afirno.”
Guterresî dîyar kerd: “Normalbîyayîşê na mesela ya bi temamî tena seba Tirkîya yan zî seba zî kurdanê Tirkîya ney, seba heme herêmî baş beno.”
