Hemsereka DBP’yî Çiğdem Kiliçgun Uçare seba 1ê gulane hesabê xo yê Xî de yew mesaj pare kerd û vat: “Ma zanîme ke herdo ke bi ereqê çareyî hît beno, husk nêbeno. Kes nêşîkîno vengê kedkaran bibirno, têkoşînê înan asteng bikero.”
Hemsereka Partîya Herêmanê Demokratîkan (DBP) Çigdem Kiliçgun Uçare serê hesabê xo yê dîjîtalî de roja Kedkaranê dinya 1ê Gulane fîraz kerd.
Mesaj wina yo:
1ê Gulane, roja têkoşînê hemparo ke rûmetê kede, qerardarîya xoverdayîsî û peştîdayîs pîl keno ya. Wa 1ê Gulana pêro karker û kedkaranê ke seba azadî, edalet û têduştîye têkoşîn kenê, ebe keda xo cuye raminê, bimbarek bo.
Têkoşînê karker û kedkaran têna seba rindkerdisê şertanê weşîye nê; seba cuya mordemane, gurîyê bitemînatî û pergalêkê adîlî yo. Na cografya de têkoşînê ked o ke bi serrano ramîno, îradeyê tewr hêzdaro ke vera teda û kedwerîye berz beno, temsîl keno; her heqo ke yeno qezençkerdene, eserê peştîdayîsê rêxistinbîyaye û xoverdayîsê qerardarî yo.
Ma zanîme ke herdo ke bi ereqê çareyî hît beno, husk nêbeno. Kes nêşîkîno vengê kedkaran bibirno, têkoşînê înan asteng bikero. Keda ke bi peştîdayîs pîl bena, bi xoverdayîs hêzdar bena, hêzo tewr girs o ke ameyoxî rono yo. Wa wes bo 1ê Gulane! Wa wes bo kede, peştîdayîs û têkoşînê ma!
