Bi hezaran kedkaran bi vatişê sloganê “Bijî 1ê Gulanê” sey kortej ver bi Kadikoyî dest bi rayîrşîyayîşî kerd.
Stenbol de bi rayberîya Konfederasyonê Sendîkayan ê Karkeranê Şorişgiran (DÎSK), Konfederasyonê Sendîkayan ê Kedkaran ê Pêroyî (KESK), Yewîya Doktoran ê Tirkan (TTB) û Yewîya Odayanê Muhendis û Mîmaran ê Tirkan (TMMOB), bi muansebetê 1ê Gulane Îskeleya Kadikoyî de pîrozkerdiş virazenê.
Kedkarî bi sloganê “Seba heqê kede, edalet, aştî û demokrasî bibê yew û bivurnê” Sogutluçeşme de ameyî pêser. Bi hezaran kedkarî kortejan reyde Meydanê Kadikoyî ra dest bi rayîrşîyayîşî kerd.
Hemserekê Pêroyî ya DEM Partî Tuncer Bakirhan, Hemverfeka HDK’yî Meral Daniş Beştaş, parlamenterê DEM Partî , hemserek û rayberê partîyanê sîyasîyan û bi hezaran kedkar û welatîyî beşdarê rayîrşîyayîşî bîyî.
Girseyo ke ame pêser, bi slogananê “Bijî 1ê Gulane” rayra şono.
